<P>* வெற்றி எட்டுத் திசைகளிலும் பரவும்படியாக முரசு கொட்டுவோம். வேதம் என்றும் நிலைத்து வாழ்க என்று முரசு கொட்டுவோம். நெற்றிக் கண் கொண்ட ஈசனோடு நடனமிடும் சக்தி தாயின் புகழ் பரவ முரசு கொட்டுவோம். <BR>* ஊருக்கு நல்லதைச் சொல்ல வேண்டும். உண்மை என தெரிந்ததை மட்டும் உலகுக்கு சொல்ல வேண்டும். சீரும் சிறப்பும் தந்து இவ்வுலகிற்கு முதன்மையாக விளங்கும் தெய்வத்தின் துணை எல்லோருக்கும் கிடைக்க பிரார்த்திக்க வேண்டும். <BR>* வேதம் அறிந்தவர்களும், கல்வியறிவில் சிறந்தவர்களுமே மேலானவர்கள். நீதி தவறாமல் நியமப்படி ஆட்சி செய்பவர்களே நல்ல ஆட்சியாளர்கள்.&nbsp; பல தொழில் புரிந்து வியாபாரம் செய்பவர்கள் வணிகர்கள். இன்னும் தொண்டு செய்து வாழும் மக்களும் இருக்கின்றனர். குடும்பத்தில் தந்தையும், தாயும், பிள்ளைகளும் போல இந்த நால்வகை மக்களும் ஒரு குலத்தவரே. இதில் உயர்வு தாழ்வு இல்லை. <BR>* ஒருவருக்கொருவர் ஆதரவு காட்டி வாழ்வோம். தொழில்கள் பல உலகில் நடைபெற துணை நிற்போம். உலகை அன்பு மயமாக்குவோம். அந்த அன்பு நமக்கு வளம் பல கொண்டு வரும். </P>